आळे येथील बाळासाहेब जाधव महाविद्यालयाचे विशेष श्रमसंस्कार शिबिर संपन्न.

या श्रमसंस्कार शिबिरात विद्यार्थ्यांच्या ज्ञानात भर घालणारी विविध विषयांतील तज्ञ व व्यासंगी व्याख्यात्यांची व्याख्याने देखील आयोजित करण्यात आली होती.
यामध्ये महाराष्ट्र राज्याचे पोलीस महानिरीक्षक व आळेगावचे सुपुत्र डॉ. दिलीप भुजबळ यांचे करियर विषयक मार्गदर्शन, संपूर्ण राज्यात हेलिकॉप्टर सरपंच म्हणून प्रख्यात असलेले आंबी दुमालाचे कर्तबगार सरपंच जालिंदर गागरे यांचे ग्रामविकासाचे तंत्र आणि मंत्र या विषयावरील व्याख्यान, डॉ. रसूल जमादार यांचे ग्रामविकासात युवकांची भूमिका, डॉ. रश्मीताई घोलप यांचे आपली जीवनशैली आपले आरोग्य, जुन्नर तालुक्यातील प्रसिद्ध दुर्ग संशोधक विनायक खोत यांचे जुन्नर तालुक्यातील दुर्ग आणि दुर्ग संवर्धन, ह. भ. प. प्रवीण कुऱ्हाडे यांचे नैतिक मूल्य आणि तरुणाई, पोलीस उपनिरीक्षक खडके यांचे सायबर गुन्हेगारी अशा विविध विषयांवर व्याख्याने झाली. या सर्व व्याख्यानांना विद्यार्थ्यांचा उत्स्फूर्त प्रतिसाद लाभला.
या शिबिर काळात महाविद्यालयाचे माजी विद्यार्थी प्रसिद्ध जादूगार प्रकाश शिरोळे यांचे अंधश्रद्धानिर्मूलन विषयक जादूचे प्रयोग विद्यार्थी आणि ग्रामस्थांसाठी आयोजित करण्यात आले होते. तसेच कोरोना विषयक पथनाट्य विद्यार्थिनींनी सादर केले यालाही ग्रामस्थ मोठ्या संख्येने उपस्थित होते. पुणे येथील श्री संत सेवा संघाच्या कार्यकर्त्यांनी विद्यार्थ्यांना चित्रांच्या माध्यमातून ज्ञानेश्वर येथील ओव्यांचा अर्थ समजावून सांगितला. याद्वारे विद्यार्थ्यांना ज्ञानेश्वरी आणि भगवद्गीतेतील तत्त्वज्ञानाचा परिचय करून दिला गेला. याखेरीज सात दिवस विद्यार्थ्यांना आर्ट ऑफ लिव्हिंग चे योग प्रशिक्षक डॉ. अरुण गुळवे यांनी योगा आणि प्राणायाम चे प्रशिक्षण दिले.

या विशेष श्रमसंस्कार शिबिराचे उद्घाटन आळेफाटा पोलीस स्टेशनचे सहाय्यक पोलीस उप निरीक्षक श्री. सुनील बडगुजर यांच्या शुभहस्ते व ज्ञानराज ग्रामविकास प्रतिष्ठानचे अध्यक्ष नेताजीदादा डोके, ज्ञानेश्वर देवस्थान ट्रस्टचे अध्यक्ष धनंजयशेठ काळे, आळे गावचे सरपंच प्रीतम काळे, संतवाडीचे सरपंच नवनाथ निमसे, कोळवाडी गावच्या सरपंच आतिषाताई गोरक्ष कुऱ्हाडे, ज्ञानेश्वर ग्रामोन्नती मंडळाचे अध्यक्ष श्री.भाऊदादा कुऱ्हाडे, उपाध्यक्ष श्री.उल्हास सहाणे, झाले, मानद सचिव बाळासाहेब गुंजाळ, खजिनदार रोहिदास पाडेकर, महाविद्यालय विकास समितीचे अध्यक्ष अर्जुनशेठ पाडेकर, शालेय व्यवस्थापन समितीचे अध्यक्ष श्री. संपतशेठ गुंजाळ, संचालक जी. एल. गुंजाळ सर, माऊलीशेठ कुऱ्हाडे, किशोर शेठ कुऱ्हाडे, प्रसन्न अण्णा डोके, अरुणशेठ हुलवळे, राजेंद्र कुऱ्हाडे, तुकाराम दादा गाढवे, दैनिक सकाळचे पत्रकार राजेश कणसे, दैनिक लोकमतचे पत्रकार गोकुळ कुरकुटे, प्रभातचे वार्ताहर मनीष गडगे, पुण्यनगरीचे वार्ताहर गोपीनाथ शिंदे, हिंदवी न्यूज चैनल चे संपादक केदार बारोळे व सहदेव पाडेकर, तसेच महाविद्यालयाचे प्राचार्य डॉ. प्रवीण जाधव व उपप्राचार्य प्रा.संजय वाकचौरे यांच्या उपस्थितीत झाले.
या श्रमसंस्कार शिबिराचा समारोप पुणे जिल्हा परिषदेचे सदस्य श्री.शरदराव लेंडे व पंचायत समिती जुन्नरचे सदस्य श्री. जीवन शिंदे यांच्या प्रमुख उपस्थितीत व आळेगावचे उपसरपंच एडवोकेट विजय कुऱ्हाडे, कोळवाडी गावचे उपसरपंच श्री. दिनेश सहाणे व संतवाडी गावच्या उपसरपंच सौ.स्मिताताई पाडेकर यांच्या प्रमुख उपस्थितीत संपन्न झाला .
यावेळी शिबिरार्थींनी आपले मनोगत व्यक्त करत या श्रमसंस्कार शिबिराचा सर्व विद्यार्थ्यांना खूप फायदा झाल्याचे सांगितले.
या शिबिराचे संयोजन राष्ट्रीय सेवा योजना कार्यक्रमाधिकारी प्रा.डॉ.जयसिंग गाडेकर,प्रा. मनिषा गिरी,प्रा विकास पुंडे, प्रा.डॉ.अर्चना गुंजाळ, प्रा.अरविंद कुटे, प्रा. छाया औटी, प्रा.सोनाली लोणकर,प्रा.शुभांगी भोसले, प्रा.निकिता गाढवे,प्रा.रेश्मा शेख,प्रा.भाग्यश्री बाम्हणे, शुभम गुंजाळ,राजू पाडेकर यांनी केले.
कार्यक्रमाचे सूत्रसंचालन प्रा.अरविंद कुटे यांनी केले तर आभार प्रा.विकास पुंडे यांनी मांडले